Ua faamaonia e le Kapeneta le faataunuuina o le Vaiaso o Anapogi ma Talosaga a le Atunuu i le Aso Sa, aso 18 o Oketopa 2009 seia oo i le aso Faraile 23 Oketopa 2009.

O le sauniga mo le amataina o lenei faamoemoe, o le a faataunuuina i le Aso Sa, 18 o Oketopa 2009 i le itula e 6 i le afiafi, i le Maota Tatalo a le Malo, Faavae i le Atua Samoa i le Mauga o Vaea.

O le faaumaina o lenei Vaiaso o Anapogi ma Talosaga o le a toe faia foi i le Maota Tatalo a le Malo i le Aso Faraile, 23 Oketopa 2009 i le itula e 11:00 i le aoauli. O sauniga uma o lenei vaiaso ua taatia atu le faafoeina i le Fono a Ekalesia So’ofaatasi.

E pei ona masani ai i tausaga ua mavae, ua fuafuaina e faamauina le Anapogi i le tulua o po ma ao a e tatalaina i le aoauli o le aso e sosoo ai mo aso e lima (5).

E talosagaina tagata uma aemaise tagata faigaluega mo le faamamaluina o lenei vaiaso taua mo le atunu’u atoa.

FAAFETAI PALEMIA IA I LATOU NA AUINA MAI FESOASOANI

Sa faaalia le Agaga Faafetai o le Afioga i le alii Palemia, Tuilaepa Sailele Malielegaoi ia i latou uma na ofoina mai fesoasoani e ala i auala eseese ona o mafatiaga na aafia ai le atunuu i le Galulolo. O i latou nei e aofia ai, Malo mai Fafo, Faalapotopotoga Eseese, Faalapotopotoga Tumaoti, Faalapotopotoga a Ekalesia eseese i totonu o Samoa ma atunuu mamao, Pisinisi faapea ai ma tagata taíitoíatasi.

‘E momoli le agaga faafetai tele i auaunaga faavavae a le Malo o Ausetalia ma Niu Sila e ala lea i le auina mai o auaunaga faafomai, auaunaga faamiliteli, ma nisi fesoasoani ua mafai ai ona sailia ma faasaoina mai le soifua o nisi o le mamalu o le atunuu na aafia.”

“E momoli foi lau faafetai i Ekalesia, Koluse Mumu, Greenpeace, Faalapotopotoga Tumaoti, Pisinisi Umia Saoloto, Kamupani, ma tagata taitoatasi i totonu o Samoa ma e o loo aumau i fafo, i fesoasoani na tauaaoina i  aiga ma e ua puapuagatia ona o lenei faalavelave.”

O loo fuafua e taunuu mai le Vaía a Niu Sila o le HMNZS Canterbury i le Aso Faraile 16 Oketopa 2009 i Apia nei ma nisi o mea o loo moomia mo le faaleleia o auaunaga a le Pulega o le Suavai faapea le Faalapotopotoga o Malosi Faaeletise, faatasi ai ma nisi o foa’i mai tagatanuu Samoa o loo aumau i Aukilani.

O loo faapea foi ona auina mai e le Malo o Amerika nisi fesoasoani faatasi ai ma foíai mai tagata Samoa o loo aumau i totonu o Amerika. Ua fuafua foi le Malo o Iapani e auina mai a latou fesoasoani mo lenei lava faalavelave.

ASIASI MAI SAMOA VAEGA O TUSITALA MAI FAFO

O le vaiaso fou lea ua faamoemoe e malaga mai ai i Samoa sui o tusltala mai fafo, e talanoa ma feutana’i i le mataupu e uiga i le kava ina lea o le tulaga sa faaleagaina i le galu lolo, e pei ona taua i se latou tusi na tu’uina mai i le failautusi o le JAWS a Samoa, le tama’ita’i o Cehrelle Jackson.

O le faamoemoe autu o lea malaga, o le talanoaina lea o galuega tonu e tatau ona ave i ai le faamuamua a le vaega o tusitala mo mea sa faaleagaina i le galulolo.

O le a latou asia ofisa o vaega o tusitala uma i le atunu’u, ma faai’u ai loa i se talatalanoaga e faia i le faletalimalo o le Le Alaimoana i le aso Tofi o le vaiaso fou, le aso 22 o Oketopa.